நாமலின் திருமணத்துக்கான மின்சாரக் கட்டணம் அரபுடாமை தொடர்பான அடிப்படை உரிமை மனு, விசாரணைக்கு திகதி குறிப்பு

நாடாளுமன்ற உறுப்பினர் நமல் ராஜபக்ஷவின் திருமணம் 2019-ஆம் ஆண்டு நடந்தபோது வழங்கப்பட்ட மின்சாரத்துக்குரிய ரூ. 2.68 மில்லியன் கட்டணத்தைச் செலுத்தாதது தொடர்பான அடிப்படை உரிமைகள் மனுவின் விசாரணையை டிசம்பர் 04ஆம் திகதிக்கு உச்ச நீதிமன்றம் நிர்ணயித்துள்ளது.

திருமணத்திற்காக வீரகெட்டியவிலுள்ள முன்னாள் ஜனாதிபதி மஹிந்த ராஜபக்ஷவின் இல்லத்திற்கு வழங்கப்பட்ட மின்சாரத்திற்கான கட்டணத்தை வசூலிக்கத் தவறியது, பொதுமக்களின் அடிப்படை உரிமைகளை மீறிய செயல் எனத் தீர்ப்பளிக்கக் கோரி இந்த மனு தாக்கல் செய்யப்பட்டுள்ளது.

இந்த மனு, உச்ச நீதிமன்ற நீதியரசர்கள் ஏ.எச்.எம்.டி. நவாஸ் மற்றும் சம்பத் அபேய்கோன் ஆகியோர் முன்னிலையில் நேற்று வெள்ளிக்கிழமை (24) விசாரணைக்கு எடுத்துக்கொள்ளப்பட்டது.

நீதிமன்றத்தில் சமர்ப்பிக்கப்பட்ட வாதங்களைக் கருத்தில் கொண்டு, இலங்கை மின்சார சபை தற்போது மறுசீரமைப்புக்கு உட்பட்டுள்ளதால், மனுதாரர் சம்பந்தப்பட்ட வாரிசு நிறுவனத்தை ஒரு பிரதிவாதியாகப் பெயரிட அமர்வு அனுமதித்தது.

சட்டத்தரணி விஜித்த குமார தாக்கல் செய்துள்ள இந்த மனுவில், நமல் ராஜபக்ஷவின் திருமணக் கொண்டாட்டங்கள் 2019 செப்டம்பர் 12 முதல் 15 வரை வீரகெட்டிய இல்லத்தில் நடைபெற்றதாகக் கூறப்பட்டுள்ளது.மனுதாரரின் கூற்றுப்படி, அந்த நிகழ்விற்காக வழ

மனுதாரரின் கூற்றுப்படி, அந்த நிகழ்விற்காக வழங்கப்பட்ட மின்சாரத்தின் மதிப்பு ரூ. 2,682,246.57 ஆகும்.

கொண்டாட்டங்களின் போது இல்லத்திற்கும் அதைச் சுற்றியுள்ள பகுதிகளுக்கும் பாதுகாப்பு விளக்குகளை வழங்குமாறு அப்போதைய மின்சாரம் மற்றும் எரிசக்தி அமைச்சரிடம் நாடாளுமன்ற உறுப்பினர் டி.வி. சனக கோரிக்கை விடுத்ததாக மனுவில் குறிப்பிடப்பட்டுள்ளது.

அதற்கான கட்டணங்களைச் செலுத்த குடும்ப உறுப்பினர்கள் தயாராக இருப்பதாகத் தெரிவிக்கப்பட்டதைத் தொடர்ந்து, தேவையான மின்சார விநியோகத்தை வழங்குமாறு மின்சார சபை அதிகாரிகளுக்கு அமைச்சர் உத்தரவிட்டதாக மனுவில் கூறப்பட்டுள்ளது.

இருப்பினும், கட்டணம் இன்னும் செலுத்தப்படவில்லை என்றும், பிரதிவாதிகள் மின்சார விநியோகத்தைப் பெறுவதற்கும் கட்டணத்தைத் தவிர்ப்பதற்கும் தங்கள் அதிகாரத்தைத் தவறாகப் பயன்படுத்தியதாகவும் மனுதாரர் குற்றம் சாட்டுகிறார்.

ரூ. 7,390 மாதாந்திரக் கட்டணத்தைச் செலுத்தாத காரணத்தால் தனது இல்லத்திற்கான மின்சார இணைப்பை மின்சார சபை துண்டித்ததாகவும், அதே சமயம் வீரகெட்டிய இல்லம் அதிக கட்டணம் செலுத்த வேண்டி இருந்தும் அத்தகைய நடவடிக்கை எதுவும் எடுக்கப்படவில்லை என்றும் மனுதாரர் மேலும் தெரிவித்துள்ளார்.

இது சட்டத்தின் முன் சமமற்ற நடத்தையாகும் என்று கூறி, அரசியலமைப்பின் 12(1) பிரிவின் கீழ் உத்தரவாதமளிக்கப்பட்ட தனது அடிப்படை உரிமைகள் மீறப்பட்டதாக அறிவிக்கக் கோரி மனுதாரர் மனு தாக்கல் செய்துள்ளார்.