இஸ்ரேலியத் தாக்குதல் மேற்கொள்ளக் கூடும் என்பதால் தந்தையின் இறுதிச் சடங்கில் ஈரானின் புதிய உச்ச தலைவர் மொஜ்தபா கொமெய்னி கலந்துகொள்ள வாய்ப்பில்லை என என தெரிவிக்கப்படுகிறது.
புதிய உச்ச தலைவரின் பாதுகாப்பு குறித்த கவலைகள் காரணமாக, பல நாட்கள் நடைபெறும் ஆயத்துல்லா அலி கொமெய்னியின் இறுதிச் சடங்குகளில் அவர் கலந்துகொள்ள வாய்ப்பில்லை என்று, தெஹ்ரான் பல்கலைக்கழகத்தின் ஆய்வாளர் முகமது இஸ்லாமி கூறியுள்ளார்.
“அப்படி நடக்கும் என்று நான் நினைக்கவில்லை, ஏனென்றால் தற்போது ஈரானியர்கள் மீதும், புதிய உச்ச தலைவர் மீதும் இஸ்ரேலியர்கள் காட்டும் ஆக்கிரமிப்பு குறித்து பல கவலைகள் உள்ளன” என்று இஸ்லாமி அல் ஜசீராவிடம் கூறினார்.
“இஸ்ரேலியர்களைப் பற்றி நமக்குத் தெரிந்த விஷயம் என்னவென்றால், அவர்கள் எந்தவொரு சர்வதேச சட்டத்தையும் மதிப்பதில்லை” என்றும் அவர் குறிப்பிட்டார்.
“ஈரானியர்களுக்கும் அமெரிக்கர்களுக்கும் இடையிலான இடைக்கால ஒப்பந்தத்தை இஸ்ரேலியர்கள் சீர்குலைக்க விரும்புகிறார்கள், மேலும் ஈரானில் இதுபோன்ற நடவடிக்கைகளை மேற்கொள்ள விரும்புகிறார்கள். எனவே, புதிய உச்ச தலைவர் இதுபோன்ற பொது நிகழ்வுகளில் கலந்துகொள்வதற்கு இது சரியான தருணம் அல்ல என்று நான் நினைக்கிறேன்,” என்று அவர் மேலும் தெரிவித்தார்.