கல்முனையில் தீவிரவாத அமைப்பு உள்ளதாக உளவுத்துறை தகவல்: அமைச்சர் நலிந்த தெரிவிப்பு

கிழக்கு மாகாணத்தின் கல்முனைப் பகுதியில் செயல்படும் ஒரு தீவிரவாத அமைப்பு குறித்து உளவுத்துறை தகவல்கள் கிடைத்துள்ளதாக அமைச்சரவைப் பேச்சாளர் அமைச்சர் டொக்டர் நளிந்த ஜயதிஸ்ஸ தெரிவித்தார்.

அமைச்சரவை முடிவுகளை அறிவிக்கும் ஊடக சந்திப்பில் இன்று கலந்து கொண்டு பேசிய அமைச்சர்; பாதுகாப்புப் படையினர் நிலைமையை உன்னிப்பாகக் கண்காணித்து வருவதாகக் கூறினார்.

“கிழக்கு மாகாணத்தில் அமைந்துள்ள அத்தகைய குழுவைப் பற்றிய தகவல்கள் உள்ளன. மேலும் உளவுத்துறை மற்றும் பாதுகாப்புப் படையினர் அது தொடர்பான விவரங்களை வெளியிட்டு வருகின்றனர்” என்று – ஊடகவியலாளர் ஒருவரின் கேள்விக்கு பதிலளிக்கையில் குறிப்பிட்டார்.

பாதுகாப்புச் செலவினத் தலைப்பு குறித்த விவாதங்களின் போது, ஜனாதிபதி அனுரகுமார திசாநாயக்கவும் இந்த விஷயத்தைப் பற்றி உரையாற்றியதாக அவர் மேலும் கூறினார். இருப்பினும், இப்போதைக்கு பாதுகாப்புப் படையினர் விழிப்புடன் இருப்பதாகவும், நிலைமையை தீவிரமாக மதிப்பிடுவதாகவும் அமைச்சர் ஜயதிஸ்ஸ மேலும் தெரிவித்தார்.

இதையும் பாருங்கள்