சட்ட நடவடிக்கைகள் நிறைவடைந்த 170 கிலோகிராம் ஹெராயின் இன்று அழிக்கப்படும் என்று போதைப்பொருள் தடுப்புப் பிரிவின் பிரதிப் பொலிஸ் மா அதிபர் அசோக தர்மசேன தெரிவித்தார்.
புத்தளம், லாக்டோவத்தை பொலிஸ் எரியூட்டும் இடத்தில், ஒரு நீதிபதி முன்னிலையில் போதைப்பொருள் எரிக்கப்பட்டு அழிக்கப்படும் என்றும் அவர் கூறினார்.
கைப்பற்றப்பட்ட போதைப்பொருள், விசேட அதிரடிப் படை வழங்கிய சிறப்புப் பாதுகாப்பின் கீழ், பிரதம நீதவான் நீதிமன்றத்திலிருந்து புத்தளத்திற்கு கொண்டு செல்லப்பட்டதாக பிரதிப் பொலிஸ் மா அதிபர் அசோக தர்மசேன மேலும் குறிப்பிட்டார்.
போதைப்பொருள் மீண்டும் புழக்கத்தில் வருவதைத் தடுக்க சட்ட நடைமுறைகளின்படி அழிக்கப்பட்டு வருவதாகவும் அவர் தெரிவித்தார்.