இலங்கை ராணுவத்தின் 25ஆவது தளபதியாக மேஜர் ஜெனரல் லசந்த ரொட்ரிகோ இன்று (30) நியமிக்கப்பட்டுள்ளார் என, பாதுகாப்பு அமைச்சு அறிவித்துள்ளது.
அத்துடன் ரியர் அட்மிரல் காஞ்சன பனாகொட இலங்கை கடற்படைத் தளபதியாக நியமிக்கப்பட்டுள்ளார்.
ராணுவத் தளபதியாக பதவி வகித்த லெப்டினன்ட் ஜெனரல் விக்கும் லியனகே தனது கடமைகளில் இருந்து ஓய்வு பெற்றமையை அடுத்து, புதிய தளபதி நியமிக்கப்பட்டுள்ளார்.
மேஜர் ஜெனரல் ரொட்ரிகோ முன்னர் இலங்கை ராணுவத்தின் பிரதிப் பிரதானியாக பணியாற்றினார்.
அவர் முன்னர் பாதுகாப்பு சேவைகள் கட்டளை மற்றும் பணியாளர்கள் கல்லூரியின் தளபதியாகவும் பணியாற்றினார்.
இதேவேளை, இலங்கை கடற்படையின் புதிய தளபதியான ரியர் அட்மிரல் காஞ்சன பனாகொட, ஆகஸ்ட் 2024 முதல் இலங்கை கடற்படையின் தலைமை அதிகாரியாக பணியாற்றினார்.
இலங்கை கடற்படையில் பல்வேறு விரைவுத் தாக்குதல் கப்பல்கள், கப்பல்கள் மற்றும் நிறுவனங்களுக்கு கட்டளையிடும் பொறுப்பை அவர் பெற்றுள்ளார்.
இவர் கடற்படையின் தலைமை அதிகாரியாக நியமிக்கப்படுவதற்கு முன்னர், கிழக்கு கடற்படை தளபதியாக கடமைகளை ஆற்றி வந்தார்.