பாகிஸ்தான் பாதுகாப்பு அமைச்சர் குவாஜா ஆசிஃப்; இஸ்ரேலை ‘மனித குலத்தின் சாபம்’ என்று குறிப்பிட்டதாகக் கூறப்படும் சமூக ஊடகப் பதிவு ஒன்று – நீக்கப்பட்டதாகத் தெரிகிறது.
இஸ்ரேலிடமிருந்து எழுந்த கடும் எதிர்ப்பைத் தொடர்ந்து இது நிகழ்ந்துள்ளது.
இஸ்ரேலியப் பிரதமரின் அலுவலகம், அமைச்சரின் இந்தக் கருத்தை ‘அதிர்ச்சியூட்டும்’ செயல் என்று கூறியுள்ளது.
‘எந்தவொரு அரசாங்கத்திடமிருந்தும், குறிப்பாக அமைதிக்கான நடுநிலைத் தீர்ப்பாளராகத் தன்னைக் கூறிக்கொள்ளும் ஒரு அரசாங்கத்திடமிருந்து, இத்தகைய ஒரு கூற்றை ஒருபோதும் பொறுத்துக்கொள்ள முடியாது’ என்று இஸ்ரேலியப் பிரதமரின் அலுவலகம் ஒரு சமூக ஊடகப் பதிவில் கூறியுள்ளது.
‘மத்திய கிழக்கு முழுவதும் அப்பாவி மக்களை இஸ்ரேல் கொன்று வருவதாக’, ஆசிஃப் தனது X சமூக ஊடகப் பதிவில் குற்றம் சாட்டியிருந்தார்.
‘முதலில் காசா, பிறகு ஈரான், இப்போது லெபனான் – ரத்தக் கொதிப்பு தடையின்றித் தொடர்கிறது’ என்று ஆசிஃப் கூறியதாகத் தெரிகிறது.