விண்ணப்பிக்கும் காலம் இன்று இரவுடன் நிறைவு: பரீட்சைகள் திணைக்களம் அறிவிப்பு

க.பொ.த உயர்தரப் பரீட்சைக்கான விண்ணப்பங்கள் ஏற்கும் பணி இன்று (24) நள்ளிரவுடன் முடிவடையும் என பரீட்சைகள் திணைக்களம் அறிவித்துள்ளது.

மார்ச் 24 முதல் ஏப்ரல் 24, 2026 வரை விண்ணப்பங்கள் பிரத்தியேகமாக இணையவழித் தளம் மூலமாகவே ஏற்றுக்கொள்ளப்பட்டன.

இன்று நள்ளிரவுக்குப் பிறகு விண்ணப்பச் செயல்முறை முழுமையாக நிறுத்தப்படும் என்றும், எந்தச் சூழ்நிலையிலும் கால நீட்டிப்பு வழங்கப்படாது என்றும் பரீட்சைகள் ஆணையாளர் நாயகம் – ஏ. கே. எஸ். இந்திக குமாரி லியனகே தெரிவித்துள்ளார்.

விண்ணப்பதாரர்கள் மேலதிக விசாரணைகளுக்கு பரீட்சைகள் திணைக்களத்தை பின்வரும் வழிகளில் தொடர்பு கொள்ளுமாறு அறிவுறுத்தப்படுகிறார்கள்: தொலைபேசி: 011 2785922 / 011 2784208 / 011 2784537 மின்னஞ்சல்: gcealexamsl@gmail.com