பிரதம நீதியரசராக பிரீத்தி பத்மன் சூரசேனவை நியமிக்க அரசியலமைப்பு சபை அனுமதி

பிரதம நீதியரசராக உச்ச நீதிமன்ற நீதியரசர் பிரீத்தி பத்மன் சூரசேனவை நியமிக்க அரசியலமைப்பு சபை அனுமதி வழங்கியுள்ளது.

இம்மாதம் 27 ஆம் திகதி ஓய்வு பெறவுள்ள பிரதம நீதியரசர் முர்து பெனாண்டோவுக்குப் பின்னர், நீதியரசர் சூரசேனவை பிரதம நீதியரசராக நியமிப்பதற்கு – ஜனாதிபதி அனுர குமார திசாநாயக்க பரிந்துரைத்தார்.

இதனையடுத்து, நேற்று கூடிய (23) அரசியலமைப்பு சபை, ஜனாதிபதியின் பரிந்துரைக்கு அங்கிகாரம் வழங்கியுள்ளது.

நீதிபதி பிரீத்தி பத்மன் சூரசேன – முன்னர் மேல்முறையீட்டு நீதிமன்றத்தின் தலைவராக பணியாற்றினார். மேலும் இந்த ஆண்டும் அவர் நீதிச் சேவை ஆணைக்குழுவின் (JSC) உறுப்பினராகவும் நியமிக்கப்பட்டார்.

எதிர்வரும் வரும் நாட்களில் இலங்கையின் 49ஆவது பிரதம நீதியரசராக பிரீத்தி பத்மன் சூரசேன பதவியேற்பார் என்று எதிர்பார்க்கப்படுகிறது.

தொடர்பான செய்தி: அடுத்த பிரதம நீதியரசராக பிரீத்தி பத்மன் சூரசேனவை, ஜனாதிபதி பரிந்துரைத்தார்