அரிசி, நெல்லை விலங்குத் தீவனமாகப் பயன்படுத்துவதற்கு விதிக்கப்பட்டிருந்த தடை நீக்கம்

கால்நடைகளின் உணவாக – அரிசி மற்றும் நெல்லைப் பயன்படுத்துவதற்கு விதிக்கப்பட்டிருந்த தடையை நுகர்வோர் விவகார அதிகார சபை ரத்துச் செய்துள்ளது.

2003ஆம் ஆண்டின் நுகர்வோர் விவகார அதிகார சபையின் 09ஆம் இலக்கத்தின் கீழ் (திருத்தப்பட்டபடி), 03 ஜூலை 2026 அன்று வெளியிடப்பட்ட சமீபத்திய வர்த்தமானி அறிவிப்பின்படி (உத்தரவு எண் 97), ஜூன் 2022 இல் வெளியிடப்பட்ட உத்தரவு எண் 84-ஐ நுகர்வோர் விவகார அதிகாரசபை ரத்துச் செய்துள்ளது.

அந்த உத்தரவு, உற்பத்தியாளர்கள், வர்த்தகர்கள் மற்றும் விநியோகஸ்தர்கள் விலங்குத் தீவன நோக்கங்களுக்காக அரிசி மற்றும் நெல்லை விற்பனை செய்வதையும், சேமித்து வைப்பதையும், கொண்டு செல்வதையும் அல்லது வாங்குவதையும் தடை செய்திருந்தது.

உணவு விநியோகத்தைப் பாதுகாக்கும் நடவடிக்கைகளின் ஒரு பகுதியாக, 2022ஆம் ஆண்டு ஜூன் 24 ஆம் திகதி இந்த உத்தரவு அமுலுக்கு வந்தது.

சமீபத்திய முடிவின் மூலம், கால்நடைத் தீவனத்திற்காக அரிசி மற்றும் நெல்லைப் பயன்படுத்துவதற்கு விதிக்கப்பட்டிருந்த கட்டுப்பாடுகள் தற்போது நீக்கப்பட்டுள்ளன.