2.5 மில்லியன் டொலர் அரச பணம் காணாமல் போனமை தொடரபில், பணி இடைநீக்கம் செய்யப்பட்டவரின் இறுதிக் கிரியைகள் இன்று நடைபெறும்

நிதியமைச்சின் 2.5 மில்லியன் அமெரிக்க டொலர் கையாடப்பட்டமை தொடர்பான வழக்கில் பணி இடைநீக்கம் செய்யப்பட்டிருந்த நிலையில், சடலமாகக் கண்டெடுக்கப்பட்ட நிதி அமைச்சகத்தின் வெளி வளங்கள் திணைக்களத்தின் உதவிப் பணிப்பாளர் ரங்க நிஷாந்த ராஜபக்ஷவின் இறுதிச் சடங்குகள் இன்று மாலை (02) நடைபெறுகிறது.

அவர் வெள்ளிக்கிழமை (30) குளியாபிட்டியவில் உள்ள தனது இல்லத்தில் சடலமாகக் கண்டெடுக்கப்பட்டார்.

இச்சம்பவத்தை ஒரு சந்தேகத்திற்கிடமான மரணமாகக் கருதி, இது கொலையா, தற்கொலையா அல்லது விபத்தா என்பதைத் தீர்மானிக்க விசாரணைகள் தொடங்கப்பட்டன.

இருப்பினும், மரணம் குறித்து மேலதிக ஆய்வுகளை மேற்கொண்ட நான்கு நீதித்துறை வைத்திய ஆலோசகர்கள் அடங்கிய குழு, இது சுயமாக ஏற்படுத்திக்கொண்ட காயங்களால் ஏற்பட்ட தற்கொலை என நேற்று (01) உறுதிப்படுத்தியது.