மு.கா தேசியப்பட்டியல் நாடாளுமன்ற உறுப்பினர் எம்.எஸ். நளீம், சபாநாயகர் முன்னிலையில் பதவிப் பிரமாணம்

முஸ்லிம் காங்கிரஸின் தேசியப்பட்டியல் நாடாளுமன்ற உறுப்பினர் எம்.எஸ். நளீம், இன்று (03) சபாநாயகர் கலாநிதி அசோக ரன்வல முன்னிலையில் பதவிப் பிரமாணம் செய்து கொண்டார்.

ஏறாவூர் நகர சபையின் தவிசாளராகவும் நளீம் கடமையாற்றியுள்ளார்.

முஸ்லிம் காங்கிரஸ் – கடந்த பொதுத் தேர்தலில் அம்பாறை மற்றும் மட்டக்களப்பு மாவட்டங்களில் தனித்து போட்டியிட்டு, இரண்டு ஆசனங்களைப் பெற்றது.

அந்த வகையில், அந்தக் கட்சிக்கு ஒரு தேசியப்பட்டியல் நாடாளுமன்ற உறுப்பினர் கிடைத்தது.