அரச சேவையை விட்டு பல்வேறு காரணங்களுக்காக வெளியேறிய வைத்தியர்கள், அரசுக்கு 1,277 மில்லியன் ரூபாய்க்கும் அதிக தொகையை செலுத்த வேண்டியிருப்பதாக, தேசிய கணக்காய்வு அலுவலகம் வெளிப்படுத்தியுள்ளது.
ஒக்டோபர் 31, 2024 நிலவரப்படி, வைத்தியர்களிடமிருந்துஅரசுக்குச் செலுத்த வேண்டிய பத்திரங்கள், அபராதங்கள் மற்றும் கடன் முன்பணங்களின் மொத்த தொகை ரூ.1,277 மில்லியன் என, தேசிய கணக்காய்வு அலுவலக அறிக்கையில் தெரிவிக்கப்பட்டுள்ளது.
பொது சேவையை விட்டு வெளியேறிய வைத்தியர்கள் மற்றும் வெளிநாடுகளில் பயிற்சி பெற நாட்டை விட்டு வெளியேறியவர்கள் செலுத்த வேண்டிய நிலுவைத் தொகை குறித்த சிறப்பு கணக்காய்வு அறிக்கையில் இது வெளிப்படுத்தப்பட்டுள்ளது.
முதுகலை படிப்புகள், வெளிநாட்டு வேலைவாய்ப்பு மற்றும் சுகாதாரத் துறையில் உள்ள பிற காரணங்களுக்காக சேவையிலிருந்து ராஜினாமா செய்யும் வைத்தியர்களின் எண்ணிக்கையில் குறிப்பிடத்தக்க அதிகரிப்பு இருப்பதாகவும் தேசிய தணிக்கை அலுவலகம் மேலும் குறிப்பிட்டது.
வைத்தியர்கள் மேற்படி பத்திரம் மற்றும் அபராதங்களைச் செலுத்துவதில் தாமதம் மற்றும் தவறிழைக்கும் போக்கு அதிகரித்து வருவதையும் இந்த அறிக்கை எடுத்துக்காட்டுகிறது.
கணக்காய்வின்படி, 2015 முதல் 2024 இறுதி வரை 705 வைத்தியர்கள் தங்கள் ஒப்பந்தங்களை மீறியுள்ளனர்.