தாமரை கோபுரம்: மூன்று நாள் வருமானம் தொடர்பில் தகவல்

கொழும்பிலுள்ள தாமரை கோபுரத்தை பொதுமக்களின் பாவனைக்காக திறந்து வைத்த – முதல் 3 நாட்களில் 7.5 மில்லியன் ரூபா வருமானம் ஈட்டப்பட்டுள்ளதாக கொழும்பு தாமரைக் கோபுர நிறுவனத்தின் பிரதம நிர்வாக அதிகாரி தெரிவித்துள்ளார்.

முதல் 3 நாட்களில் சுமார் 14,000 பேர் கொழும்பு தாமரை கோபுரத்தை பார்வையிட்டுள்ளதாக பிரதம நிர்வாக அதிகாரி ஓய்வுபெற்ற மேஜர் ஜெனரல் பிரசாத் சமரசிங்க மேலும் கூறியுள்ளார்.

மக்கள் கோபுரத்தைப் பார்வையிடுவதற்கு அனுமதிக்கப்பட்ட நேரமும் சனிக்கிழமை (17) தொடக்கம் நீடிக்கப்பட்டுள்ளதாகவும் அவர் குறிப்பிட்டுள்ளார்.

அதன்படி, மதியம் 12:00 மணி முதல் – இரவு 11:00 மணி வரை கோபுரத்தை பொதுமக்கள் பார்வையிடலாம். ஆனால், நுழைவுச் சீட்டு இரவு 10:00 மணி வரை மட்டுமே வழங்கப்படும்.