பன்றி இதயம் மனிதனுக்கு: உலகில் முதல் தடவை
மரபணு மாற்றப்பட்ட பன்றியின் இதயத்தை, அறுவை சிகிச்சை மூலம் பெற்றுக் கொண்ட உலகின் முதல் நபர் என்ற பெருமையை அமெரிக்கர் ஒருவர் அடைந்துள்ளார்.
57 வயதான டேவிட் பென்னட் என்ற நபர் ஒருவருக்கே இவ்வாறு இதய மாற்று அறுவை சிகிச்சை மேற்கொள்ளப்பட்டுள்ளது.
ஏழு மணி நேர அறுவை சிகிச்சைக்கு உட்படுத்தப்பட்ட குறித்த நபர், மூன்று நாட்கள் கடந்த நிலையில் சிறந்த உடல் ஆரோக்கியத்துடன் உள்ளதாக வைத்தியர்கள் தெரிவிக்கின்றனர்.
பென்னட்டின் உயிரைக் காப்பாற்றுவதற்கான கடைசி நம்பிக்கையாக இந்த இதய மாற்று அறுவை சிகிச்சை இருந்ததாக கூறப்படுகிறது.
இருப்பினும் அவர் உயிர் பிழைப்பதற்கான நீண்ட கால வாய்ப்புகள் குறித்து இதுவரை உறுதிப்படுத்தப்படவில்லை எனவும் தெரிவிக்கப்படுகிறது.