ஈஸ்டர் ஞாயிறு பயங்கரவாதத் தாக்குதல்கள் தொடர்பான 23,270 குற்றச்சாட்டுகளை எதிர்கொள்ளும் 24 பிரதிவாதிகள், கொழும்பு மேல் நீதிமன்றத்தின் விசேட அமர்வு (Trial-at-Bar) முன்னிலையில், தங்கள் எழுத்துமூல சமர்ப்பிப்புகளை இன்று (08) தாக்கல் செய்தனர்.
எழுத்துமூல சமர்ப்பிப்புகள் தாக்கல் செய்யப்பட்டதைத் தொடர்ந்து, இவ்வழக்கின் தீர்ப்பு செப்டம்பர் 22 அன்று வழங்கப்படும் என்று – கொழும்பு மேல் நீதிமன்ற விசேட அமர்வு அறிவித்தது.
நீதிபதிகள் நவரத்ன மாரசிங்க, ராமநாதன் கண்ணன் மற்றும் சுஜீவ நிஸ்ஸங்க ஆகியோர் அடங்கிய மூன்று நீதிபதிகள் கொண்ட மேல் நீதிமன்ற அமர்வு முன்னிலையில், இவ்வழக்கு விசாரணைக்கு எடுத்துக்கொள்ளப்பட்டது.
விசாரணை நடவடிக்கைகளின் போது, பிரதிவாதிகள் தங்கள் எழுத்துமூல சமர்ப்பிப்புகளை முன்வைத்தனர்.
நௌஃபர் மௌலவி உள்ளிட்ட 24 பேருக்கு எதிராக, சட்டமா அதிபர் இவ்வழக்கை தாக்கல் செய்திருந்தார்.