சமூக ஊடகங்களை சிறுவர்கள் பாவிப்பதைக் கட்டுப்படுத்த அரசாங்கம் யோசனை

சமூக ஊடக தளங்களை 12 வயதுக்குட்பட்ட சிறுவர்கள் பாவிப்பதைக் கட்டுப்படுத்துவது குறித்து அரசாங்கம் பரிசீலித்து வருவதாக மகளிர் மற்றும் சிறுவர் விவகார அமைச்சர் சாவித்திரி போல்ராஜ் தெரிவித்தார்.

12 வயதுக்குட்பட்ட சிறுவர்கள் கைத்தொலைபேசி பயன்படுத்துவதை முழுமையாக தடை செய்வது மற்றும் சமூக ஊடக தளங்களை அவர்கள் அணுகுவதைத் தடுப்பதற்கான நடவடிக்கைகள் உள்ளிட்ட முன்மொழிவுகளுடன், இந்த விவகாரம் குறித்த விவாதங்கள் ஏற்கனவே தொடங்கப்பட்டுள்ளதாகவும் அமைச்சர் கூறினார்.

பல நாடுகள் ஏற்கனவே பாடசாலை மாணவர்களிடையே சமூக ஊடக பயன்பாட்டைக் கட்டுப்படுத்தும் சட்டத்தை அறிமுகப்படுத்தியுள்ளன என்றும், இலங்கை அதன் சொந்த அணுகுமுறையை உருவாக்குவதில் இதுபோன்ற சர்வதேச மாதிரிகளை ஆராய்ந்து வருவதாகவும் அவர் குறிப்பிட்டார்.

சிறுவர்களின் இணைய பயன்பாட்டுடன் தொடர்புடைய ஒழுக்க ரீதியாக தீங்கு விளைவிக்கும் மற்றும் துஷ்பிரயோகம் செய்யும் சம்பவங்கள் அதிகரித்து வருவதற்கு பதிலளிக்கும் விதமாக முன்மொழியப்பட்ட கட்டுப்பாடுகள் பரிசீலிக்கப்பட்டு வருவதாகவும் அவர் கூறினார்.

இதற்கிடையில், சிறுவர்களைக் குறிவைக்கும் சைபர் குற்றங்களை நிவர்த்தி செய்ய, புதிய சட்டத்தை அறிமுகப்படுத்துவத்றகு – அரசாங்கம் முடிவு செய்துள்ளது. முன்மொழியப்பட்ட சட்டம் ஏற்கனவே அமைச்சரவை அங்கீகாரத்தைப் பெற்றுள்ளது என்றும் அவர் மேலும் தெரிவித்தார்.