தேர்தல் நடந்து 06 மாதங்களின் பின்னர், தவிசாளர் தெரிவு இடம்பெற்ற பிரதேச சபை: 50 வீத இடம் இல்லாமையால் ஏற்பட்ட குழப்பம்

உள்ளூராட்சி தேர்தல் நடத்தப்பட்டு 06 மாதங்கள் கடந்த நிலையில், சீதாவக்க பிரதேச சபையின் அதிகாரத்தை தேசிய மக்கள் சக்தி இன்று (18) கைப்பற்றியது.

மே மாதம் நடந்த உள்ளூராட்சி சபைத் தேர்தலில், சீதாவக்க பிரதேச சபையின் அதிகாரத்தைக் கைப்பற்றுவதற்குத் தேவையான மொத்த இடங்களில் 50% க்கும் அதிகமானவற்றை எந்தக் கட்சியோ அல்லது சுயேச்சைக் குழுவோ பெறவில்லை.

அந்தத் தேர்தலில் தேசிய மக்கள் சக்தி 23 இடங்களைப் பெற்றது. மீதமுள்ள 24 இடங்கள் எதிர்க்கட்சிகளுக்குச் சென்றன.

அதன்படி, சீதாவக்க பிரதேச சபையின் தவிசாளர் மற்றும் பிரதித் தவிசாளரைத் தேர்ந்தெடுப்பதற்கான முதல் கூட்டம் ஜூன் 17 அன்று கூட்டப்பட்டது. ஆனால் தேர்தல் நடைமுறை தொடர்பாக எழுந்த சிக்கல்கள் காரணமாக கூட்டம் ஒத்திவைக்கப்பட்டது.

ஜூலை 15 அன்று, தவிசாளரைத் தேர்ந்தெடுப்பதற்காக சபை மீண்டும் கூட்டப்பட்டது. ஆனால் தேர்தல் செயல்முறை தொடர்பான பிரச்சினைகள் காரணமாக மீண்டும் கூட்டம் ஒத்திவைக்கப்பட்டது.

உள்ளூராட்சித் தேர்தல் நடந்து 06 மாதங்கள் ஆகியும் தவிசாளரைத் தேர்ந்தெடுக்காத நிலையில், சீதாவாக்க பிரதேச சபை இன்று (18) காலை மீண்டும் கூடியது.

கூட்டத்தில், தவிசாளரைத் தெரிவு செய்வதற்கான வாக்கெடுப்ப திறந்த முறையிலா அல்லது ரகசிமாகவா நடத்தப்பட வேண்டுமா என்பது முதலில் பரிசீலிக்கப்பட்டது.

தேசிய மக்கள் கட்சியின் 23 உறுப்பினர்களும், சர்வஜன பலயவின் (பொது எதிர்க்கட்சியைப் பிரதிநிதித்துவப்படுத்தும்) ஒரு உறுப்பினரும் ரகசிய வாக்கெடுப்பு நடத்த விருப்பம் தெரிவித்தனர்.

இந்த கட்டத்தில், மீதமுள்ள 23 எதிர்க்கட்சி உறுப்பினர்கள் சபையை விட்டு வெளியேறினர்.

இதைத் தொடர்ந்து, தவிசாளரைத் தேர்ந்தெடுப்பதற்கான வாக்கெடுப்பு நடைபெற்றது. அதில் தேசிய மக்கள் கட்சியின் பி. கே. பிரேமரத்ன 23 வாக்குகளைப் பெற்று சீதாவாக்க பிரதேச சபையின் தவிசாளராகத் தேர்ந்தெடுக்கப்பட்டார்.

அதே நேரத்தில் ரகசிய வாக்கெடுப்புக்கு ஒப்புக்கொண்ட சர்வஜன பலய உறுப்பினர், தவிசாளரைத் தெரிவு செய்யும் வாக்கெடுப்பிலிருந்து விலகிக் கொண்டார்.