மாநகர சபைக்குத் சொந்தமான பல லட்சம் ரூபாய் பெறுமதியான பழைய பத்திரிகைகள் திருட்டு

கொழும்பு, மாநகர சபைக்கு சொந்தமான வெள்ளவத்தை மெனிங் சந்தையில் அமைந்துள்ள களஞ்சியசாலையிலிருந்து 1486 கிலோ கிராம் பழைய பத்திரிகைகள் திருடப்பட்டுள்ளன.

இவற்றின் பெறுமதி சுமார் 03 லட்சம் ரூபாய்க்கும் அதிகம் என மதிப்பிடப்பட்டுள்ளதாக வெள்ளவத்தை பொலிஸார் தெரிவித்துள்ளனர்.

வெள்ளவத்தை மெனிங் பொதுச் சந்தையின் நான்காவது மாடியில் இந்த களஞ்சியசாலை அமைந்துள்ளது.

கடந்த செப்டெம்பர் 09 முதல் நேற்று முன்தினம் வரை இந்த திருட்டு சம்பவம் இடம்பெற்றுள்ளதாக வெள்ளவத்தை பொலிஸாருக்கு நேற்று முறைப்பாடு கிடைத்துள்ளது.

இது தொடர்பிலான மேலதிக விசாரணைகளை பொலிஸார் மேற்கொண்டு வருகின்றனர்.

(நன்றி: அய்வரி)