பொலிஸ் திணைக்களத்தில் ஆண், பெண் கொன்ஸ்டபிள் மற்றும் சாரதி பதவிகளுக்கு விண்ணப்பம் கோரல்

பயிற்சி பொலிஸ் கொன்ஸ்டபிள், பெண் பொலிஸ் கொன்ஸ்டபிள் மற்றும் பொலிஸ் சாரதி பதவிகளுக்கான விண்ணப்பங்களை இலங்கை பொலிஸ் மற்றும் பொலிஸ் விசேட அதிரடிப்படை கோரியுள்ளது.

நாடு முழுவதும் 7,500 வெற்றிடங்கள் மேற்படி பதவிகளுக்கு உள்ளதாகத் தெரிவிக்கப்படுகிறது.

விண்ணப்பதாரர்கள், இலங்கை பொலிஸின் உத்தியோகபூர்வ இணையதளத்திலுள்ள (www.police.lk) “எங்களுடன் இணையுங்கள்” (Join Us) பிரிவின் கீழ் அல்லது வழங்கப்பட்ட QR குறியீட்டை ஸ்கேன் செய்வதன் மூலம் ஆன்லைனில் விண்ணப்பிக்க வேண்டும். விண்ணப்பிப்பதற்கான கடைசி திகதி 08 மே 2026 ஆகும்.

உதவிக்கு, பொலிஸ்துறை ஆட்சேர்ப்புப் பிரிவை 071-8591925, 011-2505202, அல்லது 011-2552953 ஆகிய எண்களில் தொடர்பு கொள்ளலாம்.

ஒழுக்கமும் அர்ப்பணிப்பும் கொண்ட இளைஞர்கள் படையில் சேருமாறு அதிகாரிகள் ஊக்குவிப்பதோடு, ஊடகங்கள் இந்த ஆட்சேர்ப்பை பரவலாக விளம்பரப்படுத்த வேண்டும் என்றும் கேட்டுக்கொள்கின்றனர்.