கைத்தொலைபேசி பாவனையாளர்கள் இணைய சேவைகளுக்கு 20.3% வரியும், வழக்கமான குரல் அழைப்புகளுக்கு 38% வரியும் செலுத்த வேண்டும் என்று தொலைத்தொடர்பு ஒழுங்குமுறை ஆணைக்குழு தெரிவித்துள்ளது.
‘கோப்’ எனப்படும் பொது நிதி குழுக் கூட்டத்தின் போது இந்த தெளிவுபடுத்தல் வழங்கப்பட்டது.
கோப் குழுத் தலைவர் கலாநிதி ஹர்ஷ டி சில்வா, ‘ப்ரீபெய்ட் மொபைல்’ சேவைகளைப் பயன்படுத்தும் நுகர்வோர் மீதான பயனுள்ள வரி குறித்து கேள்விகளை எழுப்பினார்.
இதுற்குப் பதிலளித்த தொலைத் தொடர்பு ஒழுக்குபடுத்தல் ஆணைக்குழுவின் பணிப்பாளர் இந்திரஜித் ஹண்டபங்கோட, தொலைத்தொடர்பு வரிகளின் கட்டமைப்பை விளக்கினார்.
அதன்படி, இணைய பயன்பாடு தொலைத்தொடர்பு வரிக்கு உட்பட்டது அல்ல. ஆனால் தரவு சேவைகளுக்காக நுகர்வோர் சுமார் 20.3% பயனுள்ள வரியை செலுத்துகிறார்கள். இதற்கிடையில், ‘பிரோட்பேண்ட்’ தொடர்பான குரல் வசதிகள் உட்பட – குரல் சேவைகளுக்கு 38.4% பயனுள்ள விகிதத்தில் வரி விதிக்கப்படுகின்றன.
டேட்டா மற்றும் குரல் தொடர்பு இரண்டிலும் ஈடுபட்டால், ஒரு பயனர் உண்மையில் 100 ரூபாய் ‘ப்ரீபெய்ட் ரீசார்ஜில்’ எவ்வளவு தொகையைப் பயன்படுத்த முடியும் என்று ஹர்ஷ டி சில்வா கேள்வியெழுப்பினார்.
டேட்டா பயன்பாட்டிற்கு 100 ரூபாய் சுமார் 20.4%ஆல் குறைக்கப்படுகிறது. அதே நேரத்தில் குரல் அழைப்புகளுக்கு 38.4% வரி விதிக்கப்படுகிறது. மேலும் நுகர்வோருக்குக் கிடைக்கும் பயனுள்ள தொகை இறுதியில் அவர்களின் தனிப்பட்ட பயன்பாட்டு முறையைப் பொறுத்ததாக அமையும் என, தொலைத் தொடர்பு ஒழுங்குபடுத்தும் ஆணைக்குழுவின் பணிப்பாளர் பதிலளித்தார்.
இதன்போது, சில பகுதிகளில் போதுமான மொபைல் நெட்வொர்க் கவரேஜ் இல்லாததால் மாணவர்கள் சிரமங்களை எதிர்கொள்வது குறித்த கவலைகளை நாடாளுமன்ற உறுப்பினர் நிமல் பாலிஹேனா கூறினார். இந்த பிரச்சினையில் அவசர கவனம் செலுத்த வேண்டும் என்றும் கேட்டுக் கொண்டார்.