கொழும்பு மாநகர சபை உள்ளிட்ட 18 உள்ளூராட்சி சபைகளின் தேர்தல்களை நடத்துவதற்கு விதிக்கப்பட்டிருந்த இடைக்காலத் தடையை மேன்முறையீட்டு நீதிமன்றம் இன்று (11) நீக்கியுள்ளது.
மேலும் மேற்படி உள்ளூராட்சி மன்றங்களின் தேர்தல்களுக்கென தாக்கல் செய்யப்பட்டு – நிராகரிக்கப்பட்ட வேட்புமனுக்களை ஏற்றுக்கொள்ளுமாறும் நீதிமன்றம் உத்தரவிட்டுள்ளது.
சட்ட மா அதிபர் தாக்கல் செய்த நகர்த்தல் பத்திரத்தை ஆராய்ந்த மேன்முறையீட்டு நீதிமன்றம் இந்த உத்தரவை பிறப்பித்தது.
ஏற்கனவே உள்ளூராட்சி மன்றங்களின் நிராகரிக்கப்பட்ட 72 வேட்புமனுக்களை (37+35) ஏற்றுக் கொள்ளுமாறு மேன்முறையீட்டு நீதிமன்றம் உத்தரவிட்டுள்ளமை குறிப்பிடத்தக்கது.