மு.கா. எம்.பி. தௌபீக் வகித்த, தேசிய அமைப்பாளர் பதவி பறிபோனது
முஸ்லிம் காங்கிரஸின் நாடாளுமன்ற உறுப்பினர் எம்.எஸ். தௌபீக், அவர் கட்சியில் வகித்த தேசிய அமைப்பாளர் பதவியிலிருந்து நீக்கப்பட்டுள்ளார்.
வரவு – செலவுத் திட்டத்துக்கு ஆதரவாக தௌபீக் வாக்களித்தமைக்காக இந்தத் தீர்மானம் மேற்கொள்ளப்பட்டுள்ளது.
வரவு – செலவுத் திட்டத்தின் இரண்டாவது வாசிப்பு மீதான வாக்கெடுப்பில் கலந்து கொள்ளாமல் போன தௌபீக், மூன்றாம் வாசிப்பு மீதான வாக்கெடுப்பில் கலந்து கொண்டு, ஆதரவாக வாக்களித்தார்.
ஏற்கனவே, வரவு – செலவுத் திட்டத்தின் இரண்டாம் வாசிப்பு மீதான வாக்கெடுப்பில் கலந்து கொண்டு ஆதரவாக வாக்களித்த மு.கா. நாடாளுமன்ற உறுப்பினர்கள் எச்.எம்.எம். ஹரீஸ், ஹாபிஸ் நசீர் அஹமட் மற்றும் பைசல் காசிம் ஆகியோர் கட்சியில் வகித்த பதவிகள் பறிக்கப்பட்டமை குறிப்பிடத்தக்கது.