கால்மிதியில் இலங்கை தேசியக் கொடி: அமேசானில் விற்பனை

இலங்கையின் தேசிய கொடியை – கால் மிதியில் காட்சிப்படுத்தி, அதனை உலகின் முன்னணி நிறுவனமான அமேசான் நிறுவனம் விற்பனைக்காக இணையச் சந்தையில் வெளியிட்டுள்ளது.

அமெரிக்காவின், வொஷிங்டனை தலைமையிடமாக கொண்டுள்ள இந்த நிறுவனம், மேற்படி கால்மிதியை 12 டொலர்களுக்கு விற்பனை செய்து வருகிறது.

உலகம் முழுவதும் பொருட்களை விற்பனை செய்யும் இந்த நிறுவனம், சிங்கப்பூரில் இருந்து இந்த கால் துடைக்கும் கம்பளத்தை உலகம் முழுவதும் விநியோகித்து வருகின்றதாக தகவல்கள் தெரிவிக்கின்றன.

இதனை இலங்கைக்கு அனுப்பி வைக்க 9.20 அமெரிக்க டொலர்கள் அறவிடப்படுகின்றன. அமேசான் நிறுவனத்தின் வருடாந்த வருவாய் 21 பில்லியன் அமெரிக்க டொலர்கள் என்பதுடன், அந்த நிறுவனத்தில் 12 லட்சத்து 98 ஆயிரம் பேர் தொழில் புரிந்து வருகின்றனர்.

இந்த கால்மிதி இலங்கை சந்தையில் விற்பனை செய்யப்பட்டால், எடுக்க வேண்டிய சட்ட நடவடிக்கைகள் குறித்து, அதிகாரிகளுக்கு தெளிவுப்படுத்த நடவடிக்கை எடுக்கப்படும் என, இலங்கை நுகர்வோர் அதிகார சபையின் தலைவர் மேஜர் ஜெனரல் சாந்த திஸாநாயக்க தெரிவித்துள்ளார்.