போதைப்பொருள் அச்சுறுத்தலை ஒழிப்பதற்கு ‘முழு நாடுமே ஒன்றாக’ தேசிய செயற்பாட்டுடன் இணைந்த வகையில் 24 மணித்தியாலமும் செயற்படும் வகையிலான துரித தொலைபேசி இலக்கம் ஒன்றை தொலைத்தொடர்புகள் ஒழுங்குபடுத்தும் ஆணைக்குழு அறிமுகப்படுத்தியுள்ளது.
‘முழு நாடுமே ஒன்றாக’ தேசிய செயற்பாட்டு சபையின் வேண்டுகோளுக்கு இணங்க அறிமுகப்படுத்தியுள்ள 1818 துரித தொலைபேசி இலக்கத்தின் ஊடாக போதைப்பொருள் தொடர்பான தகவல்களை பொதுமக்கள் தெரியப்படுத்தலாம்.
நாடு பூராகவும் இயங்கும் போதைப்பொருள் வர்த்தகம், விநியோகம் அல்லது அதனுடன் தொடர்புடைய சந்தேகத்திற்கு இடமான செயற்பாடுகள் குறித்து சரியான தகவல்களை இந்த இலக்கத்தை அழைத்து வழங்க முடியும்.
