சர்வகட்சி அரசாங்கத்தில் தமது கட்சி சார்பில் அமைச்சர் பதவிகளை வகிக்கத் தகுதியான நாடாளுமன்ற உறுப்பினர்களின் பெயர் பட்டியலை, ஜனாதிபதி ரணில் விக்கிரமசிங்கவிடம் ஸ்ரீலங்கா பொதுஜன பெரமுன சமர்ப்பித்துள்ளதாக ‘மவ்பிம’ பத்திரிகை செய்தி வெளியிட்டுள்ளது.
சர்வகட்சி அரசாங்கத்தில் அமைச்சர் பதவிகளின் எண்ணிக்கை மிகக் குறைவாக இருக்க வேண்டும் என்பதுடன், ஸ்ரீலங்கா பொதுஜன பெரமுனவின் உறுப்பினர்களையும் சேர்த்துக்கொள்ள வேண்டும் என அந்தக் கட்சியின் பொதுச் செயலாளர் சாகர காரியவசம் தெரிவித்துள்ளார்.
சர்வகட்சி அரசாங்கத்தின் முக்கிய பொறுப்பு ஸ்ரீலங்கா பொதுஜன பெரமுனவிற்கு வழங்கப்பட்டுள்ளதாகவும், அந்த பொறுப்புக்களை நிறைவேற்றி மக்களுக்கு சேவையாற்றுவது கட்சியின் பொறுப்பு எனவும் அவர் கூறியுள்ளார்.
இதன்படி பிரசன்ன ரணதுங்க, ஜனக பண்டார தென்னகோன், ஜோன்ஸ்டன் பெர்னாண்டோ, ரோஹித அபேகுணவர்தன, சி.பி. ரத்நாயக்க, பவித்ரா வன்னியாராச்சி, எஸ்.எம். சந்திரசேன, நாமல் ராஜபக்ஷ, ரமேஷ் பத்திரன, பந்துல குணவர்தன, சனத் நிஷாந்த மற்றும் கஞ்சனா விஜேசேகர ஆகியோரின் பெயர்ள் ஜனாதிபதியிடம் கையளிக்கப்பட்டுள்ளன.