லலித் வர்ணகுமார நாடாளுமன்ற உறுப்பினராக சத்தியப்பிரமாணம்

நாடாளுமன்ற உறுப்பினராக லலித் வர்ண குமார சத்தியப்பிரமாணம் செய்துகொண்டார். 

பிரதி சபாநாயகர் ரஞ்சித் சியம்பலாபிட்டிய முன்னிலையில் நாடாளுமன்றில் இன்று புதன்கிழமை (01) அவர் சத்தியப்பிரமாணம் செய்தார்.

ஸ்ரீலங்கா பொதுஜன பெரமுனவின் களுத்துறை மாவட்ட நாடாளுமன்ற உறுப்பினர் மஹிந்த சமரசிங்க பதவி விலகியதால் ஏற்பட்ட வெற்றிடத்துக்கு, லலித் வர்ண குமார தெரிவுசெய்யப்பட்டுள்ளார்.

புலத்சிங்கள தொகுதியின் பொதுஜன பெரமுன பிரதம அமைப்பாளராகப் பணியாற்றும் வர்ணகுமார, 2020 பொதுத் தேர்தலில் போட்டியிட்டு 46,361 விருப்பு வாக்குகளைப் பெற்றிருந்தார்.