கஞ்சா கலந்த ரொட்டியை யுவதிக்கு கொடுத்து வன்புணர்வு செய்த பூசாரி கைது

இருபது வயது யுவதிக்கு கஞ்சா கலந்த ரொட்டியை கொடுத்து பாலியல் வன்புணர்வு செய்த பூசாரி ஒருவர் – ஒட்டுசுட்டான் பொலிஸாரால் கைது செய்யப்பட்டுள்ளார் என ஆங்கில ஊடகமொன்று செய்தி வெளியிட்டுள்ளது.

திருகோணமலை சூராநகரைச் சேர்ந்த 33 வயதுடைய நபரே இவ்வாறு கைது செய்யப்பட்டுள்ளார்.

யாழ்ப்பாணம் புத்தூரில் வசிக்கும் யுவதி ஒருவரை குறித்த பாதிரியார் வன்புணர்ந்துள்ளார்.

இந்த யுவதி தனது உறவினர்களுடன் கோவிலில் நடைபெற்ற பூசையில் கலந்து கொண்டதாகவும்,அவருக்கு உடல்நிலை சரியில்லை என உறவினர்களிடம் பூசாரி கூறியதாகவும் பொலிஸார் தெரிவித்துள்ளனர்.

இதனையடுத்து யுவதியின் உடலின் உள்ளிருக்கும் நோய்களுக்கு சிகிச்சையளிப்பதாக கூறிய பூசாரி, இலவசமாக சிகிச்சை அளிக்கவும் விருப்பம் தெரிவித்துள்ளார்.

அதன்படி, மே 16-ம் திகதி யுவதிக்கு சிகிச்சை அளிப்பதற்காக – ஆலயத்துக்கு அருகில் உள்ள சிறுமியின் உறவினர் வீட்டிற்கு பூசாரி சென்றுள்ளார்.

இதன்படி ஒரு அறைக்குள் சென்ற பூசாரி, யுவதிக்கு கஞ்சா கலந்த ரொட்டியைக் கொடுத்து, மது அருந்தச் செய்து ‘சிகிச்சை’யைத் தொடங்கினார்.

அறையில் இருந்து என்ன சத்தம் வந்தாலும் அறைக்குள் நுழைய வேண்டாம் என்று யுவதியின் உறவினர்களிடம் பூசாரி கூறியிருந்தார்.

அதன்படி, யுவதி அலறி துடித்த போதிலும், அவரைப் பார்க்க யாரும் அறைக்குள் நுழையவில்லை.

இதேவேளை, குற்றச்செயல்களுக்கு உதவிய குற்றச்சாட்டில் சிறுமியின் உறவினர்களை கைது செய்வதற்கான விசாரணைகள் முன்னெடுக்கப்பட்டு வருவதாகவும் பொலிஸார் தெரிவித்தனர்.