ஜனாதிபதி, பிரதமர் கொவிட் தடுப்பு மருந்தை ஏற்றிக் கொண்டனர்: பொதுமக்களுக்காக கொழும்பில் 08 நிலையங்கள்
ஜனாதிபதி கோட்டாபய ராஜபக்ஷ மற்றும் பிரதமர் மஹிந்த ராஜபக்ஷ ஆகியோர் கொவிட் தடுப்பு மருந்தை ஏற்றிக் கொண்டுள்ளனர்.
அமைச்சரவைப் பேச்சாளர் கெஹலிய ரம்புக்வெல இன்று செவ்வாய்கிழமை இதனைத் தெரிவித்தார்.
இதேவேளை கொழும்பிலுள்ள பொதுமக்கள் – கொவிட் தடுப்பு மருந்தை ஏற்றிக் கொள்ளும் பொருட்டு 08 நிலையங்கள் அமைக்கப்பட்டுள்ளன.
சுகாதார அமைச்சுடன் இணைந்து கொழும்பு மாநகர சபையின் மருத்துவ பிரிவு இந்த நிலையங்களை அமைத்துள்ளன.
- காக்கை தீவு – கொழும்பு 15
- பண்டாரநாயக்க மாவத்தை மகப்பேற்று இல்லம் – கொழும்பு 12
- பி.டி சிறிசேன மைதானம் – கொழும்பு 10
- கம்ப்பெல் பூங்கா – கொழும்பு 08
- பொது நூலகம் – கொழும்பு 07
- டொரிங்டன் அடுக்குமாடி குடியிருப்பு – கொழும்பு 05
- அண்டஸன் அடுக்குமாடி குடியிருப்பு – கொழும்பு 05
- சுகாதார வைத்திய அதிகாரி காரியாலயம் (மாவட்டம் 05) – கொழும்பு 06 (வெள்ளவத்தை)
மேற்கண்ட இடங்களில் குறித்த நிலையங்கள் அமைக்கப்பட்டுள்ளன.
இதேவேளை, கொழும்பில் நாலரை லட்சம் பேருக்கு கொவிட் தடுப்பு மருந்தை வழங்க எதிர்பார்த்துள்ளதாக, கொழும்பு மாநகர சபையின் பிரதம வைத்திய அதிகாரி டொக்டர் ருவன் விஜேமுனி தெரிவித்துள்ளார்.
