
2024 ஆம் ஆண்டின் 9 ஆம் இலக்க நிகழ்நிலை பாதுகாப்புச் சட்டத்தை (Online Safety Act) ரத்து செய்வதற்கான சட்டமூலம் வர்த்தமானியில் வெளியிடப்பட்டுள்ளது.
இந்த சட்டமூலம் நிறைவேற்றப்பட்டவுடன், 2024 ஆம் ஆண்டின் 9 ஆம் இலக்க நிகழ்நிலை பாதுகாப்புச் சட்டம் ரத்து செய்யப்படும் என்று வர்த்தமானி அறிவிப்பில் குறிப்பிடப்பட்டுள்ளது.
இது தொடர்பான ஏதேனும் விதிமுறைகள் இருந்தால், அத்தகைய அனைத்து விதிமுறைகளும் ரத்து செய்யப்படும் என்றும் வர்த்தமானி அறிவிப்பில் மேலும் குறிப்பிடப்பட்டுள்ளது.
இந்தச் சட்டமூலத்தின் சிங்கள மற்றும் தமிழ் மொழி சொற்களுக்கிடையில் ஏதேனும் முரண்பாடு ஏற்பட்டால், சிங்கள மொழி உரையே மேலோங்கும் என்று வர்த்தமானி அறிவிப்பில் சுட்டிக்காட்டப்பட்டுள்ளது.
வர்த்தமானியில் வெளியிடப்பட்டுள்ள சட்டமூலம் எதிர்க்கட்சி நாடாளுமன்ற உறுப்பினர் ரவி கருணாநாயக்கவால் சமர்ப்பிக்கப்பட்டுள்ளது.
நிகழ்நிலை பாதுகாப்பு சட்டமூலம் 2024 ஜனவரி 24 அன்று நாடாளுமன்றத்தில் பெரும்பான்மை வாக்குகளால் நிறைவேற்றப்பட்டது.



