ஞானசாரரின் பிணைக் கோரிக்கை நிராகரிப்பு

பொதுபல சேனா அமைப்பின் பொதுச் செயலாளர் கலகொடஅத்தே ஞானசார தேரர் – நான்கு வருட கடூழிய சிறைத்தண்டனையை அனுபவித்து வரும் நிலையில், அவரை பிணையில் விடுவிக்குமாறு முன்வைக்கப்பட்ட கோரிக்கையை கொழும்பு மேல் நீதிமன்றம் நிராகரித்துள்ளது.

ஞானசார தேரருக்கு தண்டனை விதித்து தீர்ப்பளித்த கொழும்பு மேல் நீதிமன்ற நீதிபதி ஆதித்ய பட்டபெந்திகே – மேற்படி கோரிக்கையை நிராகரித்துள்ளார்.

மத அவமதிப்பு வழக்கில் தற்போது விதிக்கப்பட்டுள்ள 04 வருட சிறைத்தண்டனை தொடர்பில் கலகொடஅத்தே ஞானசார தேரரின் சார்பில் மேன்முறையீடு செய்யப்பட்டுள்ளது.

இந்நிலையில், கலகொடஅத்தே ஞானசார தேரரை பிணையில் விடுவிக்குமாறு, அவரின் சட்டத்தரணிகள் நீதிமன்றில் கோரியிருந்தனர்.