கசிப்பு பருகிய 08 வயது பிள்ளை, வைத்தியசாலையில் அனுமதி

கசிப்பு பருகிய 08 வயது பிள்ளையொன்று ஹல்தும்முல்ல – மாவட்ட வைத்தியசாலையில் இன்று புதன்கிழமை அனுமதிக்கப்பட்ட பின்னர், பதுளை பொது வைத்தியசாலைக்கு மாற்றப்பட்டுள்ளதாக ஹல்தும்முல்ல பொலிஸார் தெரிவித்துள்ளனர்.

இந்தப் பிள்ளைக்கு பலவந்தமாக கசிப்பு புகட்டப்பட்டுள்ளதாக பொலிஸார் மேலும் கூறியுள்ளனர்.

ஹல்தும்முல்ல – நீட்வூட் தோட்டத்தைச் சேர்ந்த இந்தப் பிள்ளையின் தாய் வெளிநாட்டில் உள்ளார். தந்தை போதைக்கு அடிமையானவர் என தெரியவந்துள்ளது.

இந்தச் சம்பவம் தொடர்பில் பிள்ளையின் மாமா உறவு முறையான ஒருவரைக் கைதுசெய்வதற்காகவும்  விசாரணைகளை முன்னெடுத்து வருவதாகவும் பொலிஸார் மேலும் தெரிவித்துள்ளனர்.