தென்கிழக்கு பல்கலைக்கழக சிரேஷ்ட விரிவுரையாளர் மௌலவி ஜலால்தீனுக்கு, சிறந்த ஆய்வாளருக்கான விருது

2016 மற்றும் 2017 ம் ஆண்டுகளில் தாம் மேற்கொண்ட ஆய்வுகள், வெளியிட்ட நூல்கள், சர்வதேச, உள்நாட்டு சஞ்சிகைகளில் பிரசுரிக்கப்பட்ட ஆய்வுக் கட்டுரைகள் பற்றிய சகல விபரங்களும் விண்ணப்பதாரிகளால் இப்பரிசுக்காக சமர்ப்பிக்கப்பட்டன.

இவற்றில் இருந்து பரிசுக்குரியவரை தெரிவு செய்வதற்காக உபவேந்தர் மற்றும் பீடாதிபதிகள் கொண்ட குழு நியமிக்கக்பட்டு, அதன் முடிவுக்கமைவாக, சிரேஷ்ட விரிவுரையாளர் ஜலால்தீன் பரிசுக்குரியவராகத் தெரிவு செய்யப்பட்டார்.

இலங்கை அரசாங்கத்தினால் 1997ம் ஆண்டில் நடத்தப்பட்ட அகில இலங்கை ரீதியிலான ஆய்வுக் கட்டுரைப் போட்டியிலும் இவர் முதலாம் இடத்தையும் தங்கப் பதக்கத்தையும் பெற்றமை குறிப்பிடத்தக்கது.

அறபு, ஆங்கிலம் மற்றும் தமிழ் ஆகிய மொழிகளில் 17க்கும் மேற்பட்ட நூல்களை எழுதியுள்ள இவர், மலேசியா, பிரித்தானியா, இந்தியா மற்றும் பாகிஸ்தான் போன்ற நாடுகளிலும் உள்நாட்டிலும் நடைபெற்ற சர்வதேச மாநாடுகளில் ஆய்வுக் கட்டுரைகளைச் சமர்ப்பித்துள்ளமையும் குறிப்பிடத்தக்கது.

(படம்: எம்.எஸ்.எம். ஹனீபா)