தலைப்புச் செய்திகள்

மோட்டார் பைக் – லொறி மோதி விபத்துக்குள்ளானதில் மல்வத்தையில் இளைஞர் உயிரிழப்பு

– தில்சாத் பர்வீஸ் –

அம்பாறை மாவட்டம், மல்வத்தை விபுலானந்தா பாடசாலைக்கு அருகில் இன்று (20) வெள்ளிக்கிழமை இடம்பெற்ற மோட்டார் பைக் – லொறி மோதிய விபத்தில் 23 வயதுடைய இளைஞர் ஒருவர் உயிரிழந்தார்.

இதன்போது காயமடைந்த இளைஞரொருவர் – வைத்தியசாலையில் அனுமதிக்கப்பட்டுள்ளார்.

மல்வத்தை 02, புதுநகர் பகுதியைச் சேர்ந்த ராசேந்திரன் வர்ஷன் (23) என்ற இளைஞரே இவ்விபத்தில் உயிரிழந்தார்.

மோட்டார் பைக்-இல் பயணித்த மற்றைய இளைஞன் காயமடைந்த நிலையில், அம்பாறை மாவட்ட பொது வைத்தியசாலையின் அவசர சிகிச்சைப் பிரிவில் அனுமதிக்கப்பட்டு சிகிச்சை பெற்று வருகின்றார்.

இவ்விபத்தைத் தொடர்ந்து லொறியின் சாரதி கைது செய்யப்பட்டு, பொலிஸ் நிலையத்தில் தடுத்து வைக்கப்பட்டுள்ளார்.

சம்பவம் தொடர்பான மேலதிக விசாரணைகளை பொலிஸார் மேற்கொண்டு வருகின்றனர்.