இலங்கையில் உள்ள 6.9 மில்லியன் மக்களின் ஆதரவு இன்னும் இருப்பதால், ஜனாதிபதி கோட்டாபய ராஜபக்ஷ பதவி விலக வேண்டிய அவசியம் இல்லை என நெடுஞ்சாலைகள் அமைச்சர் ஜோன்ஸ்டன் பெனாண்டோ தெரிவித்துள்ளார்.
ஜனாதிபதி தனது ராஜினாமாவை சமர்ப்பிக்க வேண்டிய அவசியமில்லை என தெரிவித்த அமைச்சர் ஜோன்ஸ்டன்; மக்கள் ஆணையை ஜனாதிபதி இன்னும் வைத்திருக்கிறார் என தான் நம்புவதாகவும் கூறினார்.
ஜனாதிபதிக்கு இன்னும் மக்களின் ஆதரவு உள்ளது என்பதை நிரூபிக்க தேர்தல் நடத்தப்பட வேண்டும் என அமைச்சர் ஜோன்ஸ்டன் பெனாண்டோ தெரிவித்துள்ளார்.
தற்போது முன்னெடுக்கப்படும் மக்கள் போராட்டங்கள், சிறு போராட்டங்களே எனத் தெரிவித்த அமைச்சர்; “மக்கள் நெருக்கடிகளை எதிர்நோக்கியுள்ளனர் என்பதை ஏற்றுக்கொள்கின்றேன்” எனவும் தெரிவித்தார்.