பெண்ணொருவரை நிர்வாணப்படுத்தி துஷ்பிரயோகத்திற்கு உள்ளாக்கிய வீடியோவொன்று – சமூக ஊடகங்களில் பரவி வரும் நிலையில், நபரொருவரை – சிறுவர் மற்றும் பெண்கள் துஷ்பிரயோக தடுப்பு பணியகம் கைது செய்துள்ளது.
இந்த சம்பவத்துடன் தொடர்புடைய முக்கிய சந்தேக நபர் நேற்று (18) ஹிக்கடுவையில் உள்ள ஒரு பிரபல ஹோட்டலில் மறைந்திருந்தபோது கைது செய்யப்பட்டார். அவர் பொரளையில் வசிக்கும் 43 வயதுடையவர்.
சந்தேக நபருக்கு உதவியதாகவும், பொலிஸாருக்கு ஆதாரங்களை மறைத்ததாகவும் கூறப்படும் எஹெலியகொடவைச் சேர்ந்த 44 மற்றும் 55 வயதுடைய இரண்டு நபர்களும் இந்த சம்பவம் தொடர்பாக கைது செய்யப்பட்டுள்ளனர்.
ஆணொருவர் – ஒரு பெண்ணை நிர்வாணமாக்குவதை சித்தரிக்கும் வீடியோ, சமீபத்திய நாட்களில் சமூக ஊடகங்களில் பரவி வந்தது.
சிறுவர் மற்றும் பெண்கள் துஷ்பிரயோகம் தடுப்பு பணியகத்தின் பொறுப்பான பிரதிப் பொலிஸ் மா அதிபரின் அறிவுறுத்தல்கள் மற்றும் உத்தரவுகளின் கீழ் நடத்தப்பட்ட விசாரணைகளின் அடிப்படையில், சம்பவத்துடன் தொடர்புடையவர்கள் அடையாளம் காணப்பட்டனர்.
விசாரணைகளில், பிரபல தொழிலதிபரான சந்தேக நபர், தனது வீட்டில் வீட்டு வேலைக்காரராகப் பணியமர்த்தப்பட்ட ஒரு பெண்ணின் ஆடைகளை களைந்து, அதே வீட்டில் பலரின் முன்னிலையில், அந்த செயலை வீடியோவாக பதிவு செய்து, பின்னர் அதை ஒரு வாட்ஸ்அப் குழு மூலம் சமூக ஊடகங்களில் வெளியிட்டதாக தெரியவந்துள்ளது.
சந்தேக நபர் தொடர்பான விவரங்கள் ஹல்ஃப்ஸ்டோர்ப் நீதவான் நீதிமன்றத்தில் தெரிவிக்கப்பட்டதாகவும், அங்கு வெளிநாட்டுப் பயணத் தடை பெறப்பட்டதாகவும் பொலிஸார் தெரிவிக்கின்றனர். சம்பவத்திற்குப் பிறகு சந்தேக நபர் பொலிஸாரைத் தவிர்த்து வந்த நிலையில், விசாரணைகள் மேற்கொள்ளப்பட்டன. இதனையடுத்து அவர் பல ஹோட்டல்களில் தங்கியிருந்ததாகக் கூறப்படுகிறது.
கைது செய்யப்பட்ட சந்தேக நபர்கள் குறித்து – குழந்தைகள் மற்றும் பெண்கள் துஷ்பிரயோகம் தடுப்பு பணியகம் மேலும் விசாரணைகளை நடத்தி வருகிறது.