போர் நிறுத்தத்தின் பிறகு இஸ்ரேல் தாக்குதலில் 97 பலஸ்தீனியர்கள் பலி

ஹமாஸ் – இஸ்ரேலுக்கு இடையிலான போர் நிறுத்தம், ஒக்டோபர் 10 ஆம் திகதி அமுலுக்கு வந்ததிலிருந்து – இஸ்ரேலிய தாக்குதல்களில் குறைந்தது 97 பலஸ்தீனியர்கள் கொல்லப்பட்டுள்ளதாக காஸா அரசாங்க ஊடக அலுவலகம் தெரிவித்துள்ளது.

போர் நிறுத்த ஒப்பந்தத்தை 80 முறை இஸ்ரேல் மீறியதாக ஆவணப்படுத்தியுள்ளதாகவும், இது சர்வதேச மனிதாபிமான சட்டத்தின் அப்பட்டமான மீறலாகும் என்றும் ஊடக அலுவலகம் விடுத்துள்ள அறிக்கையில் தெரிவிக்கப்பட்டுள்ளது.

“பொதுமக்கள் மீது நேரடியாக துப்பாக்கிச் சூடு நடத்தியமை தொடக்கம், வேண்டுமென்றே ஷெல் தாக்குதல் மற்றும் இலக்கு வைப்பது, ஒரே நேரத்தில் வான்வழித் தாக்குதல்களைப் பயன்படுத்துவது மற்றும் பல பொதுமக்களைக் கைது செய்வது வரை யுத்த நிறுத்த மீறல் இருந்துள்ளன” என்றும், அந்த அறிக்கையில் கூறப்பட்டுள்ளது.

“இந்த நடைமுறைகள் – இஸ்ரெலின் தொடர்ச்சியான ஆக்கிரமிப்பு அணுகுமுறை, தரையில் தீவிரமடைவதற்கான அதன் தெளிவான விருப்பம் மற்றும் ரத்தம் மற்றும் கொலைக்கான அதன் நிலையான தாகம் ஆகியவற்றை பிரதிபலிக்கின்றன” எனவும், காஸா அரசாங்கத்தின் ஊடக அலுவலகம் மேலும் தெரிவித்துள்ளது.