கழுத்தில் கத்தி வைத்து மிரட்டி, பெண்ணின் தங்கச் சங்கிலி பறிப்பு: சம்பவத்தின் போது எடுக்கப்பட்ட ‘செல்பி’யால், கொள்ளையர்கள் சிக்கினர்

தங்கச் சங்கிலியை பறிகொடுத்த பெண் ஒருவரால் எடுக்கப்பட்ட ‘செல்பி’யின் அடிப்படையில், கொள்ளையொன்று நடந்து – சில மணி நேரத்தினுள், சந்தேக நபர்கள் கைது செய்யப்பட்டுள்ளனர்.

இரண்டு ஆண்கள் ஒரு பெண்ணின் கழுத்தில் கத்தியை வைத்து மிரட்டி, அவரின் தங்கச் சங்கிலியொன்றைப் பறித்துச் சென்றனர்.

தனது கழுத்திலிருந்து தங்கச் சங்கிலி கொள்ளையிடப்பட்டபோது – பாதிக்கப்பட்ட பெண், ‘செல்பி’யொன்றை எடுத்துள்ளார். பின்னர் அதனைஅப்பகுதியில் உள்ள இரண்டு பொலிஸ் அதிகாரிகளிடம் வழங்கியுள்ளார்.

அந்தப் படத்தின் அடிப்படையில், கொள்ளையில் ஈடுபட்ட இரண்டு சந்தேக நபர்களையும் கண்டுபிடித்ததாக, மேற்படி பொலிஸ் உத்தியோகத்தர்கள் – ஹோமகாமா போலிஸாருக்கு பின்னர் அறிவித்தனர்.

இரண்டு சந்தேக நபர்களும் பிட்டபன பகுதியில் – மோட்டார் சைக்கிளில் பயணம் செய்துகொண்டிருந்தபோது கைது செய்யப்பட்டனர்.

10.5 கிராம் ஹெராயின், கொடகம பிரதேசத்திலுள்ள வங்கியொன்றில் 90 ஆயிரம் ரூபாவுக்கு அடமானம் வைக்கப்பட்ட பற்றுச்சீட்டு மற்றும் ஒரு ‘ரம்போ’ கத்தி ஆகியவற்றை சந்தேக நபரிடமிருந்து பொலிஸார் மீட்டுள்ளனர்.