கிறிஸ்துவுக்கு முற்பட்ட 50 மம்மிகள், எகிப்தில் கண்டெடுப்பு

🕔 February 3, 2019

கிப்தின் டூல்மிக் (305-30 கிமு) ஆட்சிக்காலத்தில் இருந்ததாக கருதப்படும் 50 பதப்படுத்தப்பட்ட உடல்கள் (மம்மி) அந்நாட்டின் தொல்பொருள் ஆய்வாளர்களால் கண்டுபிடிக்கப்பட்டுள்ளன.

எகிப்தின் தலைநகரான கெய்ரோவின் தெற்கே உள்ள மின்யா என்ற பிரதேசத்தில் அமைந்துள்ள டூனா எல்-ஜெபல் என்ற இடத்தில் 30 அடி ஆழத்தில் கண்டெடுக்கப்பட்ட இந்த மம்மிகளில், 12 குழந்தைகளின் உடல்கள் என்று கண்டறியப்பட்டுள்ளது.

இவற்றில் சில துணிகளால் மூடப்பட்டிருந்தன. மற்றவை கல் சவப்பெட்டிகளிலோ அல்லது மர பெட்டிகளிலோ பாதுகாப்பாக வைக்கப்பட்டிருந்தன.

பதப்படுத்தப்பட்ட இந்த உடல்கள் யாருடையவை என்று தெரியவில்லை என எகிப்து அதிகாரிகள் தெரிவித்துள்ளனர்.

அதேவேளை இவர்கள் அக்காலகட்டத்தில் அரசில் முக்கிய பதவி வகித்திருக்கலாம் என்று கருதப்படுகிறது.

Comments

புதிது பேஸ்புக் பக்கம்